Welcome Guest Login

zindagi tujh se mil kar zamaanaa hua

zindagii tujh se mil kar zamaanaa huaa
aa tujhe aaj ham maikade le chale.n
raat ke naam ho.NTho.n ke saaGar likhe.n
apanii aa.Nkho.n me.n kuchh rat-jage le chale.n
kyaa hassi.n log hai.n
aa.Nkh aaho.n kii hai.n aur lab pankha.Dii
in kii aaraa_ish-e-Khal-o-Khat ke liye
apanii aa.Nkho.n ke ham aa_iine le chale.n
ajanabii chehare me.n dost banate nahii.n
rishte-naato.n kii chaa.Ndii barastii nahii.n
qurbate.n sohabate.n jin kii yaad aayengii
aise kuchh dosto.n ke pate le chale.n
un kii aa.Nkho.n ne jalate sulagate hue
manzaro.n ke sivaa kuchh bhii dekhaa nahii.n
chehara-e-afsos ke sakino.n ke liye
phuul-o-Khushbuu sabaa zam-zame.n le chale.n
zindagii tujh se mil kar zamaanaa huaa
.

Submit Your Poetry

by:- admin posted in:- zubair rizvi

Comments are closed. :(