Welcome Guest Login

nazar men dhal ke ubharate hain dil ke afasane

nazar me.n Dhal ke ubharate hai.n dil ke afasane
ye aur baat hai duniyaa nazar na pahachane

ye bazm dekhii hai merii nigaah ne ki jahaa.N
baGair shamaa bhii jalate rahe hai.n paravaane

ye kyaa bahaar kaa jauban hai ye kyaa nashaat kaa rang
fasurdaa maikade vaale udaas maiKhaane

mere nadiim teri chashm-e-iltafaat kii Khair
biga.D biga.D ke sa.Nvarate gaye hai.n afasaane

ye kis kii chashm-e-fusuu.N_saaz kaa karishmaa hai
ki Tuut kar bhii salaamat hai.n dil ke but_Khaane .

Submit Your Poetry


Comments are closed. :(