Welcome Guest Login

tere aane ki jab khabar mahake

tere aane kii jab Khabar mahake
tere Khushbuu se saaraa ghar mahake

shaam mahake tere tasavvur se
shaam ke baad phir sahar mahake

[tasavvur=thought; sahar=morning]

raat bhar sochataa rahaa tujh ko
zahan-o-dil mere raat bhar mahake

[zahan=mind]

yaad aaye to dil munavvar ho
diid ho jaaye to nazar mahake

[munavvar=illuminated; diid=seen/to see]

vo gha.Dii do gha.Dii jahaa.N baiThe
vo zamii.n mahake vo shajar mahake

[shajar=tree] .

Submit Your Poetry

by:- admin posted in:- nawaz deobandi

Comments are closed. :(