Welcome Guest Login

khushiyaan hamaari sar e daar tak gayin

Khushiyaa.N hamaarii sar-e-daar tak ga_ii.n
rusvaa_iyaa.N bhii kuuchaa-o-baazaar tak ga_ii.n

tanhaa_iyo.n ne faasale saare miTaa diye
parchhaa_iyaa.N merii terii diivaar tak gayii.n

vo ehataraam-e-Gam thaa ke lab tak naa hil sake
nazare.n uThii.n to sar-e-hadd-e-guftaar tak gayii.n

tum ne jalaayaa meraa nasheman to Gam nahii.n
chi.ngaariyaa.N u.Dii.n gul-o-gulazaar tak gayii.n

Garqaab hone vaalo.n ko kuchh to milii madad
saahil se kuchh sadaaye.n majhadhaar tak gayii.n .

Submit Your Poetry

by:- admin posted in:- mumtaz mirza

Comments are closed. :(