Welcome Guest Login

mujhe deke mai mere saaqiyaa meri tashnagi ko havaa na de

mujhe deke mai mere saaqiyaa merii tashnagii ko havaa na de
merii pyaas par bhii to kar nazar mujhe maikashii kii sazaa na de

meraa saath ai mere ham_safar nahii.n chaahataa hai to jaam de
magar is tarah sar-e-rah_guzar mujhe har qadam pe sadaa na de

meraa Gam na kar mere chaaraagar terii chaaraajo_ii bajaa magar
meraa dard hai merii zindagii mujhe dard-e-dil kii davaa na de

mai.n vahaa.N huu.N ab mere naasehaa ki jahaa.N Khushii kii guzar nahii.n
meraa Gam hado.n se guzar gayaa mujhe ab Khushii kii duaa na de

vo giraaye.n shauq se bijaliyaa.N ye sitam karam hai.n sitam nahii.n
ke vo "Tarz" barq-e-jafaa nahii.n jo chamak ke nuur-e-vafaa na de.

Submit Your Poetry

by:- admin posted in:- ganesh bihari tarz

Comments are closed. :(