Welcome Guest Login

khvaabon men tere gar meri khvaahish nahin hogii

Khvaabo.n me.n tere gar merii Khvaahish nahii.n hogii
mujhase terii aa.Nkho.n kii parastish nahii.n hogii

aavaaz merii baiTh to sakatii hai thakan se
lahaje me.n agar mere guzaarish nahii.n hogii

ho fikr jise Khud vo meraa haal parakh le
mujhase to mere Gam kii numaaish nahii.n hogii

maane ke na maane mujhe "Shehzaad" zamaanaa
ye tai hai ke mujh se koii saazish nahii.n hogii.

Submit Your Poetry

by:- admin posted in:- farhat shehzad

Comments are closed. :(