Welcome Guest Login

khaa kar zakhm duaa di ham ne

khaa kar zaKhm duaa di ham ne
bas yuu.N umr bitaa dii ham ne

raat kuchh aise dil dukhataa thaa
jaise aas bujhaa dii ham ne

sannaaTe ke shahar me.n tujh ko
be-aavaaz sadaa dii ham ne

dekh ke jis ko dil dukhataa thaa
vo tasviir jalaa dii ham ne

aa "Shehzad" tujhe samajhaaye.n
kyuu.Nkar umr ga.Nvaa dii ham ne.

Submit Your Poetry

by:- admin posted in:- farhat shehzad

Comments are closed. :(