Welcome Guest Login

ek bas tuu hi nahin mujh se khafaa ho baithaa

ek bas tuu hii nahii.n mujhase Khafaa ho baiThaa
mai.n ne jo sa.ng taraashaa vo Khudaa ho baiThaa

uTh ke ma.nzil hii agar aaye to shaayad kuchh ho
shauq-e-ma.nzil me.n meraa aabalaapaa ho baiThaa

masalahat chhin gaii quvvat-e-guftaar magar
kuchh na kahanaa hii meraa merii sadaa ho baiThaa

shukriyaa ae mere qaatil ae masiihaa mere
zahar jo tune diyaa thaa vo davaa ho baiThaa

jaane "Shehzaad" ko min_jumlaa-e-aadaa paakar
huuk vo uTThii ke jii tan se judaa ho baiThaa.

Submit Your Poetry

by:- admin posted in:- farhat shehzad

Comments are closed. :(