Welcome Guest Login

mujhako shikast e dil kaa mazaa yaad aa gayaa

mujh ko shikast-e-dil kaa mazaa yaad aa gayaa
tum kyo.n udaas ho kyaa yaad aa gayaa

kahane ko zindagii thii bahut muKhtasar magar
kuchh yuu.N basar huii ke Khudaa yaad aa gayaa

vaa_iz salaam le ke chalaa maikade ko mai.n
firdaus-e-gum_shudaa kaa pataa yaad aa gaya

barase baGair hii jo ghaTaa ghir ke khul ga_ii
ek bevafaa kaa ahd-e-vafaa yaad aa gayaa

maa.Nge.nge ab duaa ke use bhuul jaaye.n ham
lekin jo vo bevaqt-e-duaa yaad aa gayaa

hairat hai tum ko dekh ke masjid me.n ai "Khumar"
kyaa baat ho ga_ii jo Khudaa yaad aa gayaa .

Submit Your Poetry

by:- admin posted in:- khumar barabankvi

Comments are closed. :(