Welcome Guest Login

har haqiqat majaaz ho jaaye

har haqiiqat majaaz ho jaaye
kaafiro.n kii namaaz ho jaaye

minnat-e-chaaraasaaz kaun kare
dard jab jaa.N navaaz ho jaaye

ishq dil me.n rahe to rusavaa ho
lab pe aaye to raaz ho jaaye

lutf kaa intazaar karataa huu.N
jor taa hadd-e-naaz ho jaaye

umr besuud kaT rahii hai "Faiz"
kaash afshaa-e-raaz ho jaaye.

Submit Your Poetry

by:- admin posted in:- faiz ahmed faiz

Comments are closed. :(